युनिकोड
आम आदमी पार्टीका संयोजक अरविन्द केजरीवालले दिल्लीकी मुख्यमन्त्री तथा पार्टी नेता आतिशीलाई आगामी दिनमा पक्राउ गरिने दाबी गरेका छन्।
केजरीवाल र मुख्यमन्त्री आतिशीले आयोजना गरेको संयुक्त पत्रकार सम्मेलनमा मुख्यमन्त्री आतिशीलाई झुटो मुद्दा लगाएर पक्राउ गर्ने षड्यन्त्र भइरहेको दाबी केजरीवालले गरेका हुन्।
केजरीवालले भने, ‘तीन/चार दिनअघि मात्रै हामीले हाम्रो स्रोतबाट थाहा पायौँ कि ईडी, आयकर विभाग र सीबीआईको बैठक भएको छ, त्यसमा माथिबाट आदेश आएको छ कि दिल्लीको मुख्यमन्त्री आतिशीलाई नक्कली मुद्दा दायर गरेर पक्राउ गर्नू।’
उनले दिल्लीमा भाजपा हार्न लागिरहेको, उसले दिल्लीका जनताको लागि केही नगरेको, भाजपामा मुख्यमन्त्री हुने कुनै अनुहार नभएको टिप्पणी गरे।
‘दुई-तीन दिनअघि हामीले दुईवटा योजना घोषणा गर्यौँ। त्यसमा हामीले महिलालाई २१ सय रुपैयाँ र वृद्धवृद्धालाई सञ्जीवनी योजना दिने घोषणा गरेका थियौँ। यसले भाजपालाई निराश बनाएको छ’, केजरीवालले भने।
बुधबार दिल्लीको स्वास्थ्य र महिला तथा बाल विकास विभागले आम आदमी पार्टीका यी दुवै योजनाविरुद्ध नोटिस जारी गर्दै यस्ता कुनै योजना सूचित नगरिएको जनाएको छ।
प्रतिक्रिया