पुटिनले भनेः बुधबार रातिको आक्रमण युक्रेनले अमेरिकी मिसाइलले रुसमा गरेको हमलाको बदला

रुसका राष्ट्रपति भ्लादिमिर पुटिनले युक्रेनी बिजुली संयन्त्र (पावर प्लान्ट) लाई लक्ष्य गरी भएको आक्रमणलाई रुसले लिएको बदलाका रूपमा व्याख्या गरेका छन्।

पुटिनले भने, ‘गत साता युक्रेनले अमेरिका र बेलायतले दिएको हतियारले रुसमा हमला गरेको थियो। त्यसैको जवाफमा रुसले बुधबार राति ९० वटा मिसाइल र १०० ड्रोनले युक्रेनमा आक्रमण गरेको हो।’

रुसले युक्रेनको राजधानी किएभका महत्त्वपूर्ण ठाउँलाई पनि निशाना बनाएको पुटिनले बताएका छन्।

यसअघि युक्रेनी वायुसेनाले रुसले आफ्नो पावर प्लान्टलाई लक्ष्य गरी आक्रमण गरेको बताएको थियो। बीबीसी