युनिकोड
इजरायलको आक्रमणमा परेर हमास प्रमुख याह्या सिनवारसहित तीन नेता मारिएका आशंका गरिएको छ।
इजरायल डिफेन्स फोर्स (आईडीएफ) ले गाजामा भएको आफ्नो कारबाहीका क्रममा हमास प्रमुखसहित तीनजना मारिएको हुनसक्ने जनाएको छ। यसको पुष्टिको प्रयास भइरहेको आईडीएफले जनाएको छ।
मारिने तीनजनामध्ये हमास प्रमुख याह्या सिनवार हुन्/होइनन् पुष्टि गर्न इजरायलले शवको डीएनए परीक्षण गरिरहेको छ।
सन् २०२३ अक्टोबर ७ देखि हमास समूहसँग इजरायली सेना लडिरहेको छ। यदि सिनवार मारिएको भए हमास समूहलाई ठूलो क्षति हुनसक्ने अन्तर्राष्ट्रिय सञ्चारमाध्यमहरुले जनाएका छन्।
सिनवार इजरायली इतिहासमा सबैभन्दा घातक आक्रमणको मुख्य योजनाकार भएको इजरायलको आरोप छ। यसअघि हमासका अर्का वरिष्ठ नेता इस्माइल हनियाको इरानमा निधन भएको थियो।
प्रतिक्रिया