बंगलादेश : नयाँ चरणको हिंसामा २० जनाको मृत्यु, हसिनाको राजीनामा माग

बंगलादेशमा नयाँ चरणको प्रदर्शनमा २० भन्दा बढीको ज्यान गएको छ। प्रधानमन्त्री शेख हसिनाको राजीनामा माग्दै भएको प्रदर्शनमा प्रहरीले अश्रु ग्यास र ‘स्टन ग्रिनेड’ प्रहार गरेको थियो।

राजधानी ढाका, उत्तरी जिल्लाहरू बोगुरा, पब्ना र रंगपुर, पश्चिमको मागुरा, पूर्वको कोमिल्ला र दक्षिणको बरिसाल र फेनीमा मानिसहरूको मृत्यु भएको प्रहरी र चिकित्सकहरूले जनाएका छन्।

सरकारले कर्फ्यु लगाइने बताएको छ।

आरक्षण प्रणाली अन्त्यको माग राख्दै गत महिना भएको प्रदर्शनमा दुई सयभन्दा बढीको मृत्यु भएको थियो।

अदालतले आरक्षणलाई ५ प्रतिशतमा झार्दै सो मुद्दा टुंग्याए पनि विपक्षीहरूले प्रधानमन्त्रीको राजीनामा माग्दै प्रदर्शन जारी राखेका छन्। सो हिंसा र अत्यधिक बलप्रयोगकका लागि सरकार जिम्मेवार रहेको उनीहरूको भनाइ छ।