युनिकोड
नेपाल विद्युत् प्राधिकरणको सञ्चालक समितिको बैठकमा बोलाइसकेपछि दिउँसो दुई सञ्चालकलाई हटाएको थाहा भएको छ।
प्राधिकरण सञ्चालकद्वय कपिल आचार्य र भक्तबहादुर पुनलाई ऊर्जा, जलस्रोत तथा सिँचाइ मन्त्रालयले आइतबार पदमुक्त गरेको थियो।
त्यसअघि दुवै जनालाई समितिको बैठक छ भनी पत्र पठाएको खुलेको छ। आइतबार बैठकमा आउन चिठीबाट जानकारी गराइए पनि दिउँसो इमेलमार्फत हटाएको जानकारी आचार्य र पुनले पाएका थिए।
पदमुक्त भएका कपिल आचार्यले भने, ‘बिहान ११ः३५ मा बैठकमा बोलाएको चिठी बुझेको थिएँ, दिउँसो २ः३५ मा मन्त्रालयले इमेल गरी हटाएको जानकारी दियो।’
मन्त्रालयले पुन र आचार्यलाई पदमुक्त गरेपछि महेन्द्र बहादुर गुरुङ र देवेन्द्र कार्कीलाई नयाँ सञ्चालक नियुक्त गरिसकेको छ।
यो पनि-
प्रतिक्रिया