युनिकोड
चीनमा सञ्चालित उच्च–गति रेलवेको सन् २०२३ को अन्त्यसम्म ४५ हजार किलोमिटर ट्रयाक निर्माण पूरा भएको राष्ट्रिय रेल अपरेटरले मङ्गलबार जनाएको छ।
चाइना स्टेट रेलवे कम्पनी लिमिटेडका अनुसार चीनको रेलवे सञ्जालको सञ्चालनको माइलेज एक लाख ५९ हजार किलोमिटर छ।
चीनको रेल क्षेत्रमा लगानी १०७.७ बिलियन अमेरिकी डलर पुगेको देखिन्छ जुन अघिल्लो वर्षको तुलानामा ७.५ प्रतिशतले बढी हो।
सन् २०२३ मा कुल ३ हजार ६३७ किलोमिटर नयाँ ट्र्याकहरू सञ्चालनमा आएका छन् । जसमा २ हजार ७७६ किलोमिटर उच्च–गति रेलवेहरू समावेश छन्।
गत वर्ष चीनको रेल पूर्वाधार निर्माणमा ३४ वटा परियोजनाको निर्माण र सञ्चालन, १०२ वटा रेलवे स्टेशनमा सेवाको शुरुवात् तथा निर्माणाधीन ११२ वटा परियोजनाको प्रगति समावेश रहेको कम्पनीले जनाएको छ।
प्रतिक्रिया