यव्गेनी प्रिगोजिनको ‘हत्या आरोप’मा रुसको पहिलो प्रतिक्रिया

रुसले निजी सेना वाग्नरका प्रमुख यव्गेनी प्रिगोजिनको हत्याको आदेश दिएको आरोप अस्वीकार गरेको छ।

रुसी राष्ट्रपति भ्लादिमिर पुटिनका प्रवक्ता दिमित्री पेस्कोभले प्रिगोजिनको ‘हत्याको आरोप’सम्बन्धमा गरिएको प्रश्नको जवाफमा ‘पूर्ण बकवास’ भनेका हुन्।

यस्तै उनले प्रिगोजिन निश्चित रूपमा दुर्घटनामा परेको विमानमा सवार थिए भन्ने बयान दिन पनि इन्कार गरे।

पेस्कोभले राष्ट्रपति पुटिन प्रिगोजिनको अन्त्येष्टिमा सहभागी हुने वा नहुने भनेर अहिले भन्न नसकिने बताए।

उनले राष्ट्रपति पुटिनको ‘कार्यतालिका पहिल्यै तयार रहेको’ प्रतिक्रिया दिए।

पेस्कोभले भने, ‘यस्ता विषयमा तथ्यका आधारमा मात्र बोल्छौँ। हामीसँग अहिले यसबारे पर्याप्त तथ्य  छैनन्। आधिकारिक अनुसन्धान जारी छ।’ बीबीसी

• प्रत्यक्षदर्शीको दाबी– प्रिगोजिन सवार विमानलाई आकाशबाट खसालिएको हो
• वाग्नर प्रमुख प्रिगोजिन दुर्घटनामा परेको विमान कुन थियो र कति सुरक्षित मानिन्थ्यो?
• पुटिनविरुद्ध सैन्य विद्रोह गरेका प्रिगोजिन विमान दुर्घटनामा पर्दाको अन्तिम क्षण (भिडिओ)