चीनसँगको तनावका बीच ताइवाननजिकै पुगे दुई अमेरिकी जहाज

अमेरिकी जलसेनाले आफ्ना दुई जंगी जहाज ताइवाननजिकै पुगेको बताएको छ।

अमेरिकी संसदकी सभामुख न्यान्सी पेलोसीको ताइवान भ्रमणपछि पहिलोपटक अमेरिकाले यस्तो अपरेसन सुरु गरेको हो।

पेलोसीले अगष्टको सुरुमा ताइवानको भ्रमण गरेकी थिइन्। उनको भ्रमणमा चीनले कडा आपत्ति जनाएको थियो।

यद्यपि ताइवाननजिकै पश्चिमा मुलुकको जलसेनाको सैन्य अभ्यास कुनै नयाँ कुरा भने होइन। यसअघि पनि धेरै मुलुकले यो क्षेत्रमा यस्तो अपरेसन गरिसकेका छन्। 

चीनले भने यसमा कडा आपत्ति प्रकट गरेको छ। चीनले अमेरिकी जलसेनाको कदम भड्काउने किसिमको रहेको उल्लेख गरेको छ।

साथै उसले ताइवान आफ्नो अभिन्न हिस्सा रहेको बताएको छ।