म्यानमारको सेनाले प्रजातन्त्र पक्षधर चार नेतालाई मृत्युदण्ड दिएको छ।
आतंकवादी गतिविधि गरेको आरोपमा उनीहरुलाई मृत्युदण्ड दिइएको स्थानीय सञ्चारमाध्यमहरुले बताएका छन्। पछिल्लो एक दशकभन्दा लामो समयमा पहिलोपटक म्यानमारमा मृत्युदण्ड दिइएको हो।
गत जनवरी महिनामा उनीहरुलाई मृत्युदण्डको सजाय सुनाइएको थियो।
गत वर्ष म्यानमारको सेनाले सत्ता हातमा लिएसँगै प्रजातन्त्रवादी नेताहरुमाथि दमन गर्दै आएको छ। जनवरीमा चारजनालाई मृत्युदण्ड दिने फैसलाको अन्तर्राष्ट्रिय समुदायले आलोचना गर्दै आएका छन्।
यस विषयमा म्यानमारको सेनाले भने आधिकारिकरुपमा कुनै जानकारी दिएको छैन।
यसअघि म्यानमारको सेनाले उनीहरुको कारण धेरै निर्दोष मानिसले ज्यान गुमाउनुपरेकाले उनीहरुलाई मृत्युदण्ड दिनु जरुरी रहेको भन्दै फैसलाको बचाउ गर्दै आएको थियो।
Shares
प्रतिक्रिया