हैटीका प्रधानमन्त्री एरियल हेनरीलाई देश छाड्न रोक लगाइएको छ।
राष्ट्रपति जोभेनल मोइसको हत्यामा संलग्न आशंकामा अनुसन्धानका लागि उनलाई देशबारिह जान बन्देज लगाइएको हो।
अभियोजक पक्षले हेनरीबारे अनुसन्धान गर्न माग गरेको छ। साथै प्रधानमन्त्री हेनरीले राष्ट्रपति मोइस हत्याका प्रमुख अभियुक्त जोसेफ फेलिक्स बेडियोसँगको सम्बन्ध स्पष्ट पार्नुपर्ने माग पनि गरिएको छ।
अभियोजक पक्षले राष्ट्रपति मोइसको हत्याको केही घण्टापछि उनीहरूबीच धेरैपटक फोनमा कुरा भएको रेकर्डले देखाएको दाबी गरेको छ।
गत जुलाईमा केही आक्रमणकारीले उनको घरमै पसेर राष्ट्रपति जोभेनल मोइसको हत्या गरेका थिए।
312
Shares
प्रतिक्रिया