युनिकोड
टंक बुढाथोकीको निर्देशनमा बन्न लागेको फिल्म ‘मन विनाको धन-२’मा महेश त्रिपाठी अनुबन्धित भएका छन्।
महेशको भूमिका फिल्ममा के हो भन्ने खुलेको छैन। तर, एउटा पारिवारिक र सामाजिक कथामा फिल्म बनाउने तयारी टंकको छ।
यसअघि यो फिल्ममा नायिका पूजा शर्मा अनुबन्धित भइसकेकी छन्। फिल्ममा पूजा र महेशको जोडी बाधिने हो या होइन भन्ने विषयमा निर्माणपक्षले केही खुलाएको छैन।
फिल्ममा पटकथा तथा संवाद शिवम् अधिकारीको रहनेछ। अहिले, शिवमले फिल्मको कथा लेखिरहेका छन्। फिल्ममा कथा र संगीत पनि टंककै रहनेछ।
टंकले फिल्मको सबै पात्रमा नाम चलेका र दर्शकले रुचाएका कलाकारलाई अनुबन्धित गर्ने योजना रहेको सुनाए। टंक बुढाथोकी फिल्मस्को व्यानरमा यो फिल्म बन्न लागेको हो।
यो फिल्मलाई विष्णु माया मैनालीले निर्माण गर्नेछिन्।
प्रतिक्रिया