चैत्र ११ र १२ गते चलचित्र विकास बोर्डले देखाउँदै ‘कुमारी’ र ‘जीवन काँडा कि फूल’

अन्तर्राष्ट्रिय नारी दिवसको अवसरमा चलचित्र विकास बोर्डको महिला सशक्तीकरण समितिले आयोजना गर्ने भनिएको विशेष कार्यक्रमको मिति सारिएको छ। यसअघि यो कार्यक्रम फागुन २८, २९ र ३० गते आयोजना गर्ने भनिएको थियो। अब उक्त कार्यक्रम विविध कारणले चैत्र ११, १२ र १३ गते गरिने चलचित्र विकास बोर्डले जनाएको छ ।

कार्यक्रमअन्तर्गत पहिले प्रदर्शनका लागि तय गरिएका चलचित्र ‘कुमारी’ र ‘जीवन काँडा कि फूल’ क्रमशः २०८२ साल चैत्र ११ र १२ गते प्रदर्शन हुनेछन्। प्रदर्शन गर्न लागिएका ती दुई फिल्मले महिला सशक्तीकरण, मर्म र संघर्षको कथा प्रस्तुत गर्छन् ।

ती फिल्ममार्फत महिला सशक्तीकरणको सन्देश दिन लागिएको बोर्ड अध्यक्ष दिनेश डीसीले जानकारी दिए। साथै चलचित्र हेर्न इच्छुक भई बोर्डसँग सम्पर्क गरिसकेका चलचित्रकर्मीलाई पर्न गएको असुविधाप्रति बोर्डले क्षमायाचना समेत गरेको छ।