सलमान खानका बुवाको स्वास्थ्यमा सुधार आयो

मुम्बईको लीलावती अस्पतालमा भर्ना भएका प्रसिद्ध पटकथा लेखक तथा अभिनेता सलमान खानका बुबा सलिम खानको स्वास्थ्यमा सुधार आएको छ।

अस्पतालका डाक्टर जलिल पारकरले मिडियालाई बताएअनुसार सलिम खानको अवस्थामा उल्लेखनीय सुधार आएको हो।

उनले भने, ‘सलिम खानलाई मंगलबार बिहान लीलावती अस्पताल ल्याइयो। त्यतिबेला उनको रक्तचाप धेरै कम थियो। उनी विभिन्न रोगबाट पीडित थिए, त्यसैले उनलाई भेन्टिलेटरमा राखियो।’

डा. पारकरले बीबीसी हिन्दीसँग भनेका छन्, ‘सलिम खानलाई हिजो ब्रेन हेमरेज भएको थियो, तर शल्यक्रिया गर्न परेन।’

उनका अनुसार डा. नितिन डांगेले सलिम खानको डीएसए शल्यक्रिया गरेका छन्।

डा. पारकरले भने, ‘सलिम खानको अवस्था सुधार हुँदैछ र उनलाई एक वा दुई दिनभित्र भेन्टिलेटरबाट आईसीयूमा सारिने सम्भावना छ।’