युनिकोड
गुण्डा नाइके लरेन्स बिश्नोईका भाइ अनमोल बिश्नोई अमेरिकामा पक्राउ परेका छन्।
स्रोतका अनुसार अनमोललाई क्यालिफोर्नियामा हिरासतमा राखिएको छ। अमेरिकी अधिकारीहरूले केही समयअघि अनमोल आफ्नो देशमा रहेको पुष्टि गरेका थिए। त्यसपछि मुम्बई प्रहरीले उनको सुपुर्दगीको प्रस्ताव पठाएको थियो। यसको केही दिनपछि घटना बाहिर आएको हो।
अनमोल बिश्नोईलाई सलमान खानको घर बाहिर गोली प्रहार, बाबा सिद्दीकी हत्या प्रकरण लगायत केही हाई प्रोफाइल अपराधको आरोप लागेको छ।
राष्ट्रिय अनुसन्धान एजेन्सी (एनआईए) ले हालै अनमोल बिश्नोईका बारेमा जानकारी दिनेलाई १० लाख रुपैयाँ पुरस्कार दिने घोषणा गरेको थियो।
एनआईएले अनमोल बिश्नोई विरुद्ध २०२२ मा दर्ता भएका दुई मुद्दामा आरोपपत्र दायर गरेको छ।
गत महिना मुम्बई पुलिसको अपराध शाखाले विशेष मकोका अदालत (महाराष्ट्र कन्ट्रोल अफ अर्गनाइज्ड क्राइम एक्ट) मा एक याचिका दायर गर्दै भगौडा अपराधी अनमोल बिश्नोईको सुपुर्दगी प्रक्रिया सुरु गर्न चाहेको बताएको थियो।
प्रतिक्रिया