सुगम पोखरेलको म्युजिक भिडिओ सार्वजनिक

गायक सुगम पोखरेलको नयाँ गीतिसंग्रह ‘नवमी’मा रहेको ‘सबैको हुन खोजेर’ बोलको गीतको म्युजिक भिडिओ सार्वजनिक भएको छ।

उक्त गीतमा शब्द र संगीत सुगम स्वयंका हुन् भने संगीत संयोजन शिवम रसाइलीले गरेका छन्। 

आफ्नो  फरक प्रस्तुतिसहित भिडिओमा प्रस्तुत भएका सुगमलाई कलाकारहरू सुनिता शेरचन, ममता प्रसाईं र जेबिशा दाहालले साथ दिएका छन्। गीतको म्युजिक भिडिओ अल्टिमेट सिजापति ब्यानरमा बनेको हो। 

आफ्ना अन्य गीतजस्तै यो गीतलाई पनि सबै दर्शक/स्रोताले मन पराउने आशा सुगमले गरेका छन्। 

गीतिसंग्रह ‘नवमी’ सुगम को ९औँ संग्रह हो।