युनिकोड
नायक अनमोल केसी र नायिका केकी अधिकारी उत्कृष्ट अभिनेता-अभिनेत्री घोषित भएका छन्।
यती इन्टरनेसनल नेपाली फिल्म अवार्ड २०२४ (इन्फा) लण्डनले केसी र अधिकारीलाई उत्कृष्ट अभिनेता/अभिनेतृ घोषित गरेको हो। शनिबार साँझ लण्डनको ग्रिनफोर्ड हलमा आयोजित कार्यक्रममा उत्कृष्ट मनोनयनमा रहेका मध्येबाट उनीहरुलाई सर्वोत्कृष्ट घोषणा गरिएको हो।
अनमोल केसी ‘फर्की फर्की’ बाट सर्वोत्कृष्ट अभिनेता र केकी अधिकारी ‘प्रसाद २’ बाट अभिनेत्री घोषित भएका हुन्। इन्फा अवार्डमा ‘जारी’सर्वोत्कृष्ट फिल्म घोषित भएको छ भने उपेन्द्र सुब्बा सुब्बाले सर्वोत्कृष्ट निर्देशकको अवार्ड हात पारे।
नेपाली चलचित्र क्षेत्रको अन्तर्राष्ट्रिय बजार बिस्तार, कलाकार, निर्माता, निर्देशक तथा प्राविधिकहरुलाई सम्मान, पुरस्कार तथा प्रोत्साहन हेतु आयोजना गरिएको हो।
सर्वोत्कृष्ट कथारपटकथाको अवार्ड ‘दिमाग खराब’ बाट आकाश बरालले जित्दा ‘प्रसाद २’ बाट अर्पण थापा सर्वोत्कृष्ट खलपात्र ठहरिए।
सर्वोत्कृष्ट छाँयाकार प्रसाद २ बाट राजेश श्रेष्ठ, फर्की फर्कीबाट सुरेन्द्र पौडेल सर्वोत्कृष्ट सम्पादक, प्रकाश सपुत सर्वोत्कृष्ट संगीतकार बोक्सीको घर (बुझिन मैले), कालि प्रसाद बास्कोटा सर्वोत्कृष्ट पाश्र्वगायक चरी बस्यो (जारी), समीक्षा अधिकारी बोक्सीको घर (बुझिन मैले) सर्वोत्कृष्ट पाश्र्वगायिका, सर्वोत्कृष्ट नृत्य निर्देशक पुजार सार्कीबाट शिशिर खत्री (दर्शन गरेँ’ ले अवार्ड हात पारेका छन्।
बर्ष २०२४ को पप्पुलर अभिनेताको अवार्ड दयाहाङ राईले फिल्म जारीबाट हात पारेका छन् भने यही फिल्मबाट मिरुना मगरले पप्पुलर अभिनेत्रीको अवार्ड हात पारेकी छिन्।
सर्वोत्कृष्ट अभिनेता जुरी तर्फ पुजार सार्कीबाट प्रदीप खड्का र सुपला सापकोटा बोक्सीको घरबाट अभिनेत्रीको अवार्ड जित्न सफल भएका छन्।
पब्लिक च्वाईस तर्फ सर्वोत्कृष्ट अभिनेताको अवार्डमा पल शाहले जित्न सफल हुदाँ सर्वोत्कृष्ट अभिनेत्री जसिता गुरुङ ठहरिएकी छिन् । यता पर्फमर अफ दि एयरको अवार्ड मोडल तथा डान्सर शुशान्त खत्रीले जीत्दा इन्करेजमेन्ट अवार्ड फिल्म लण्डन टु पेरिसबाट गरिमा शर्माले हात पारेकी छिन्।
लाईफटाईम एचिभमेन्ट अवार्डबाट नेपाली फिल्म क्षेत्रमा लिजेन्ड्री एक्टर भुवन केसी सम्मानित भएका छन् । केसीले अवार्ड ग्रहण गर्दै गर्दाको दृश्य निक्कै दुर्लव बन्यो। अभिनेता अनमोल केसीले स्टेजमै पीताको खुट्टा ढागेका थिए।
१९६० मा स्थापित यति नेपाली एसोसियसन, युकेको आयोजना संगिक्षा फिल्मस् इन्टरटेनमेन्ट प्रा।लि।को व्यवस्थापनमा अवार्ड सम्मन भएको हो। वर्ष २०२३ अप्रिल १४ देखि २०२४ जुन २१ सम्म प्रदर्शनमा आएका फिल्महरुलाई आधार मानेर प्रतिस्पर्धा गरिएको हो। इन्फा अर्को बर्ष समेत यही मितिमा हुने बताइएको छ।
अवार्ड समारोहमा केकी अधिकारीले बुझिन मैले, अनमोल जसिताले फर्की फर्की, शिल्पा मास्केले गैरी खेतको र आज हाम्रो भेट भएको दिन, शुशान्त खत्रीले नेपाली गीतको कलेक्सनमा, गरिमा शर्मा, भुवन केसी, जिया केसी र गौरी मल्ल, प्रकाश शाह, आर्जन पाण्डेले आफ्नो प्रस्तुति दिएका थिए। कार्यक्रम संचाल पूर्व मिस नेपाल तथा अभिनेत्री मलिना जोशीले गरेकी थिइन्।
प्रतिक्रिया