युनिकोड
भारतीय अभिनेता सलमान खान बारम्बार चर्चा आइरहन्छन्। सलमानलाई उद्योगको भाइजानको रुपमा चिनिन्छ। यति मात्र होइन, फिल्ममा इन्टिमेट सीन नदिने कारण पनि उनी निकै चर्चित छिन् ।
तर, अचम्मको कुरा ३५ वर्षको फिल्मी करियरमा एउटै फिल्ममा पनि किसिङ सीन नदिने सलमान खानले बिकिनी लगाएका थिए। खासमा यो कुरा सन् १९९० मा रिलिज भएको सलमान खानको फिल्म बागीसँग सम्बन्धित छ।
यस फिल्ममा कलेजको एउटा दृश्य देखाइएको छ, जसमा केही साथीहरूले मिलेर सलमानलाई ठट्टा गरेका छन्। यस क्रममा उनीहरूले सलमानलाई बिकिनी लगाएर झुक्याए। त्यसपछि सलमानले लाज मानेर पूरै कलेजको अगाडि बिकिनी लगाएर दौडनु परेको थियो। करिब २ मिनेटको दृश्यमा उनले सेतो र कालो रंगको बिकिनी लगाएका थिए।
‘बागी’को बिकिनी दृश्यलाई लिएर सलमान खान अझै लज्जित छन्। एक अन्तर्वार्तामा सलमानले यसबारेमा भनेका छन्, ‘हामीले हलिउड फिल्म हेरेका थियौं र यसको दृश्य बागीमा राख्ने योजना बनाएका थियौं। यो दृश्य फिल्मका लागि प्रभावकारी हुन्छ भन्ने लागेको थियो। बाध्यतामा म यो गर्न राजी भएँ।’
त्यस सिनलाई लिएर सलमान अहिले पनि पछुताउँछन्। ‘सीनका अनुसार मैले बिकिनी लगाएर सेटमा उपस्थित सर्वसाधारणको अगाडि दौडनु परेको थियो। तर, यो ट्रिक उल्टो भयो र सेटमा वास्तविक भीड आयो, जसका कारण मैले धेरै अप्ठ्यारोको सामना गर्नुपर्यो। त्यो मेरो ठुलो गल्ती थियो, जसले आज पनि पछुताउँछु,’उनले भने।
जुन फिल्म बक्सअफिसमा निकै सफल भएको थियो।
जासूसी थ्रिलर ‘टाइगर ३’ पछि सलमान खान ‘सिकन्दर’ को तयारीमा छन्। यो चलचित्र आगामी वर्षको इदको अवसरमा हलमा रिलिज हुनेछ। सिकन्दरका निर्देशक एआर मुरुगादास हुन्, जो आमिर खान स्टारर गजनीका लागि चर्चित छन्। यस फिल्ममा रश्मिका मन्दाना पहिलोपटक सलमानसँग देखिँदैछिन्।
प्रतिक्रिया