‘मायाका रंगहरु’ मा जोडिए सुनिल थापा र वुद्धि तामाङ

फिल्म ‘मायाका रंगहरु’ मा कलाकारद्वय सुनिल थापा र वुद्धि तामाङ अनुबन्धित भएका छन्। फिल्मको लागि सुनिल र वुद्धिको निर्माण टिमसँग लिखित सम्झौता भइसकेको छ। 

यसअघि पल शाह र कुन्दन भारद्धाजको मुख्य भूमिकामा लागि अनुबन्धित भइसकेका छन्। केवल तामाङको निर्माण र निर्देशन रहेको फिल्ममा फागुन अन्तिम सातादेखि छायाङ्कन सुरु हुनेछ। 

प्रमिस ईन्टरटेनमेन्टको ब्यानरमा निर्माण हुने फिल्मको सुटिङ भारतको सिक्किम, दार्जिलिङ, इलाम र काठमाडौंमा गरिनेछ। पुनम तामाङ प्रस्तुतकर्ता रहको फिल्मको निर्माता आर।बी थाङदेन हुन्।

शेखर ज्ञवालीको कथा रहेको फिल्मलाई सौरभ लामाले खिच्नेछन्। फिल्मका सह(निर्माता जेनिश न्यौपाने र दिपेन्द्र चिलवाल हुन्। पर्यटन पर्वद्वनको लागि फिल्म भन्ने उदेश्यले आफुले यो फिल्ममा निर्माण गर्न लागेको निर्देशक तामाङले बताए।