बलिउड फिल्म उद्योगमा लगातार ३५ वर्ष काम गरेका आमिर खानले केही समयका लागि अभिनयबाट विश्राम लिने भएका छन्।
भारतीय सञ्चारमाध्यमका अनुसार आमिर आफ्नो फिल्मी करिअर छाडेर परिवारसँग केही समय बिताउन चाहन्छन्। वास्तवमा आमिर खानले ‘लाल सिंह चड्ढा’पछि ‘च्याम्पियन्स’ फिल्मको काम सुरु गर्न लागेका थिए। तर उनले अहिले यो भूमिका अस्वीकार गरेका छन्। आमिरले यो फिल्म निर्माण गर्न लागेका हुन् तर उनले अभिनय गर्न अस्वीकार गरेका छन्। ‘लाल सिंह चड्ढा’ नराम्ररी फ्लप भएपछि आमिरले यो निर्णय लिएको मानिसहरूको बुझाइ छ।
आमिरले फिल्मबाट ब्रेक लिनुको कारण
वास्तवमा केही दिन अघि आमिर खान आफ्नो बाल्यकालको साथीले आयोजना गरेको एउटा च्याट शोमा दिल्ली पुगेका थिए। कार्यक्रममा आमिरले आफ्नो करिअर र फिल्मका बारेमा खुलेर कुरा गरे। च्याट शोमा आमिरले अब अभिनयबाट ब्रेक लिने योजनामा रहेको बताए। ब्रेकको घोषणा गर्दै आमिरले भने, ‘जब म कलाकारको रूपमा कुनै पनि फिल्म गर्छु, म त्यसमा हराउँछु। त्यो बेला मेरो जीवनमा अरू केही हुँदैन। म लालसिंह चड्डापछि च्याम्पियन्समा काम सुरु गर्न लागेको थिएँ । फिल्मको स्क्रिप्ट गजबको थियो, कथा पनि मन पर्यो। तर त्यसपछि मलाई मेरो परिवार, आमा र छोराछोरीसँग समय बिताउनको लागि ब्रेक चाहिन्छ भन्ने महसुस भयो।’
Shares
प्रतिक्रिया