युनिकोड
ट्रि इन्टरटेनमेन्टले आफूले बनाएको ‘माया पिरेम’ बोलको गीतमा टिकटक बनाउनेलाई १ लाखसम्म पुरस्कार दिने घोषणा गरेको छ।
हालसम्म भ्युज संख्या २० लाख माथि पुर्याइसकेको यो गीतका क्लिप ट्रि इन्टरटेन्मेन्ट टिकटक एकाउन्टमा राखिएको छ। यसमा कात्तिक २२ गतेसम्म टिकटक बनाउन सकिने ट्रि इन्टरटेन्मेन्टले जनाएको छ। आयोजकले दिएका ह्यास्टट्याग प्रयोग गर्दै टिकटक बनाउन सकिने जनाइएको छ।
यस प्रतियोगिताको विजेताले १ लाख पुरस्कार पाउने आयोजकले जनाएको छ।
यसैगरी दोस्रोलाई ५० हजार, तेस्रोलाई ३५ हजार, चौथोलाई २५ हजार, पाँचौलाई २० हजार, छैटौंलाई १५ हजार, सातौंलाई १२ हजार, आठौंलाई १० हजार, नवौंलाई ८ हजार र दशौं हुनेलाई ६ हजार रुपैयाँ पुरस्कार दिइनेछ।
उक्त म्युजिक भिडिओमा देलविस दर्शनधारी र राज तुम्बाहाम्फेका साथमा नायिका साम्राज्ञी राज्यलक्ष्मी शाह र मोडल अलिसा शर्माको अभियन गरेका छन्।
माइकल चन्दले निर्देशन गरेको भिडिओको गीत डीपी खनालले रचेका हुन् भने शंकर स्माइलले संगीत दिएका हुन्।
विश्व नेपाली र अस्मिता परियारले गाएको गीतको भिडिओ उत्सव दाहालले छायांकन गरेका हुन्। भिडिओको सम्पादन शिलन लम्सालले गरेका हुन्।
प्रतिक्रिया