आइतबार सुन साउनभरकै महंगो भएको छ। शुक्रबार ९७ हजार ३ सय रुपैयाँ प्रतितोला मूल्यमा कारोबार भएको छापावाल सुन आइतबार ९७ हजार ८ सय रुपैयाँ प्रतितोलामा कारोबार भएको हो।
नेपाल सुनचाँदी व्यवसायी महासंघका अनुसार तेजाबी सुन पनि तोलाको ९७ हजार ३ सय रुपैयाँ पुगेको छ। शुक्रबार तेजाबी सुन प्रतितोला ९६ हजार ८ सय रुपैयाँमा कारोबार भएको थियो।
त्यस्तै चाँदीको मूल्य पनि आज २५ रुपैयाँले बढेको छ। उक्त दरमा बढेसँगै आइतबार चाँदी एक हजार २ सय ५० रुपैयाँ प्रतितोला पुगेको महासंघले जनाएको छ।
अन्तर्राष्ट्रिय बजारमा पनि सुन प्रतिऔँस १२.७४ अमेरिकी डलरले बढेर कारोबार भएको छ। योसँगै अन्तर्राष्ट्रिय बजारमा सुन प्रतिऔँस मूल्य १ हजार ८ सय १ दशमलव ८९ अमेरिकी डलर पुगेको छ।
87
Shares
प्रतिक्रिया