सेयरबजारमा आज दोहोरो अंकको गिरावट आएको छ।
नेपाल स्टक एक्सचेन्जका अनुसार नेप्से १७.६८ अंकले घटेर २१०६.१५ विन्दुमा आइपुगेको हो।
दोस्रो कारोबार दिन १२३ कम्पनीको सेयर मूल्य घटेको छ भने ५० वटाको बढेको र ९ वटाको घटेको नेप्सेले जनाएको छ।
आज २१४ कम्पनीको ४४ हजार ५ सय ५३ पटकको खरिदबिक्रीमा २ अर्ब ८५ करोड ७० लाख ७२ हजारको कारोबार भएको छ।
आज ६५ लाख कित्ता सेयर बिक्री भएको हो।
आज गुराँस लघुवित्त र हिमालयन हाइड्रोपावरका लगानीकर्ताले १०÷१० प्रतिशत कमाए पनि अन्य लगानीकर्ताले कमाउन सकेनन्। गुमाउनेले आज ४.३१ प्रतिशतसम्म गुमाएको नेप्सेले जनाएको छ। कारोबार रकममा आज पनि शिवम् सिमेन्ट नै अगाडि छ।
आज बजार पुँजीकरण ३० खर्ब ८ अर्ब र तरलता १२ खर्ब २७ अर्ब रुपैयाँको रहेको छ।
39
Shares
प्रतिक्रिया