४ दिनयता घटबढ भएन सुनको मूल्य, चाँदीको बढ्यो

सुनको मूल्यमा चार दिनयता कुनै घटबढ भएको छैन। 

नेपाल सुनचाँदी व्यवसायी महासंघका अनुसार १७ गतेयता सुनको मूल्य स्थिर छ। 

उक्त दिन सुन प्रतितोला १ लाख ५२ हजार रुपैयाँमा कारोबार भएको थियो। त्यसयता सोही मूल्यमा कारोबार भइरहेको हो। 

चाँदीको भने आज १० रुपैयाँले मूल्य बढेको छ। योसँगै बिहीबार चाँदी १ हजार ७ सय ६५ रुपैयाँमा कारोबार भइरहेको छ। 

अन्तर्राष्ट्रिय बजारमा सुन २ हजार ४९६ अमेरिकी डलर र चाँदी २८.२६ अमेरिकी डलर प्रतिऔँस मूल्यमा कारोबार भएको एजेन्सीहरुले उल्लेख गरेका छन्।