तोलामा ३ सय रुपैयाँले बढ्यो सुन, चाँदीको मूल्य कति?

सुनको मूल्य फेरि उकालो लागेको छ। 

नेपाल सुनचाँदी व्यवसायी महासंघका अनुसार अघिल्लो दिनको तुलनामा सोमबार तोलामा ३ सय रुपैयाँले सुनको मूल्य बढेको हो। 

योसँगै आज छापावाल सुन १ लाख ४२ हजार ३ सय र तेजाबी सुन प्रतितोला १ लाख ४१ हजार ६ सय रुपैयाँमा कारोबार भएको छ। 

यता चाँदीको मूल्य पनि तोलामा ५ रुपैयाँले बढेको छ। 

महासंघका अनुसार आज चाँदी प्रतितोला १ हजार ८ सय २० रुपैयाँमा कारोबार भएको छ। 

अन्तर्राष्ट्रिय बजारमा सोमबार सुन प्रतिऔँस २ हजार ३२४ अमेरिकी डलर र चाँदी २९.६२ अमेरिकी डलरमा कारोबार भएको एजेन्सीहरुले जनाएका छन्।