तोलामा १३ सयले बढ्यो सुनको मूल्य, चाँदीको कति?

सुनको मूल्य बिहीबार ह्वात्तै बढेको छ। एकैदिन सुन १ हजार ३ सय रुपैयाँले बढेको हो।

योसँगै आज छापावाल सुन १ लाख २२ हजार रुपैयाँ र तेजाबी सुन १ लाख २१ हजार ४ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।

अघिल्लो दिन दुवै सुन क्रमशः १ लाख २० हजार ७ सय र १ लाख २० हजार १ सय रुपैयाँमा कारोबार भएको थियो।

यता चाँदीको मूल्य प्रतितोला १ हजार ४ सय ९० रुपैयाँ पुगेको छ। अघिल्लो दिन १ हजार ४ सय ७५ रुपैयाँमा कारोबार भएको चाँदी १५ रुपैयाँ महंगो भएको हो।