बढ्यो सुनको भाउ, चाँदीको घट्यो

नेपाली बजारमा बुधबार सुनको भाउमा सामान्य वृद्धि देखिएको छ।

नेपाल सुनचाँदी व्यवसायी महासंघका अनुसार मंगलबारको तुलनामा सुनको भाउ प्रतितोला २ सय रुपैयाँले बढेको हो।

यससँगै छापावाल सुनको भाउ प्रतितोला ९४ हजार २ सय रुपैयाँमा पुगेको छ। त्यस्तै तेजावी सुनको भाउ ९३ हजार ७ सय रुपैयाँमा पुगेको छ।

बुधबार चाँदीको भाउ भने प्रतितोला १५ रुपैयाँले घटेको छ। चाँदी प्रतितोला १२ सय रुपैयाँमा कारोबार भइरहेको छ।