सेयरधनीलाई १० प्रतिशत लाभांश दिने आरएसडीसी लघुवित्तको प्रस्ताव

आरएसडीसी लघुवित्त वित्तीय संस्था लिमिटेडले लाभांश घोषणा गरेको छ। 

कम्पनीको गत आर्थिक वर्ष २०८०/०८१ को मुनाफाबाट ९.५० प्रतिशत बोनस सेयर र त्यसको कर प्रयोजनार्थ ०.५० प्रतिशत नगद वितरण गर्ने प्रस्ताव सञ्चालक समितिबाट पारित भएको हो। 

१ गते बसेको सञ्चालक समितिको बैठकले उक्त प्रस्ताव स्वीकृतिका लागि राष्ट्र बैंकमा पेस गर्ने र स्वीकृतिपछि लघुवित्तको ११औँ साधारणसभामा पारित गर्ने गरी निर्णय गरेको हो। 

लघुवित्तको हाल कायम चुक्ता पुँजी ९४ करोड ४३ लाख ५१ हजार ६५ रुपैयाँ छ। यहीबाट लाभांश वितरणको प्रस्ताव गरिएको छ।