युनिकोड
एमजी मोटर्स नेपालको अधिकृत आयातक तथा वितरक प्यारामाउन्ट मोटर्स प्रालिले आफ्ना ग्राहकलाई उत्कृष्ट आफ्टर सेल्स (बिक्रीपछि) सेवा प्रदान गर्ने प्रतिबद्धता दोहोर्याएको छ।
कम्पनीले १०० भन्दा बढी स्पेयर पार्ट्सहरूको मूल्य औसत ३० प्रतिशतले घटाएर एमजीका सबै ग्राहकहरूलाई सस्तो र सहज सेवा उपलब्ध गराउने घोषणा गरेको हो।
विश्वास र गुणस्तरमा आधारित ब्रान्डको रूपमा एमजी मोटर्स नेपाल ले आफ्ना ग्राहकहरूको बढ्दो अपेक्षा – सहज र किफायती स्वामित्व अनुभव – पूरा गर्ने प्रयास गर्दै आएको उल्लेख गरेको छ। सोही उद्देश्यका साथ प्यारामाउन्ट मोटर्सले आफ्नो लजिस्टिक्स प्रक्रिया पुनरवलोकन गरी एमजीको आपूर्ति शृंखलासँग समन्वय गरेर खर्च घटाएको र यसको फाइदा सिधा ग्राहकहरूलाई पुर्याएको कम्पनीको भनाइ छ।
यसैगरी, एमजी मोटर्स नेपालले सेवा पहुँचलाई राष्ट्रव्यापी बनाउन निरन्तर लगानी गर्दै आएको छ। काठमाडौँ उपत्यकामा ३ वटा पूर्ण-सुविधायुक्त सेवा केन्द्र र देशभर फैलिएको डिलरसिप नेटवर्कमा १२ भन्दा बढी अतिरिक्त सेवा केन्द्रहरू को साथ कम्पनीले ग्राहकहरूलाई अद्वितीय सहजता र सहयोग प्रदान गर्दै आएको छ।
‘एमजी मोटर्स नेपाल मा, हाम्रा ग्राहकहरूको विश्वासले नै हाम्रो निर्णयहरूलाई मार्गदर्शन गर्छ’, प्यारामाउन्ट मोटर्सले भनेको छ, ‘हामीले स्पेयर पार्ट्सको मूल्य घटाउनु र सेवा पहुँच विस्तार गर्नु केवल ग्राहकहरूको अपेक्षा पूरा गर्ने मात्र होइन, तर यसलाई अझै बढाउने प्रयास हो। यो केवल सुरुवात हो र हामी अझै थप लागत घटाएर स्पेयर पार्ट्सको मूल्यमा संशोधन गर्न निरन्तर प्रयासरत छौँ।’
प्रतिक्रिया