युनिकोड
रिडराले २० प्रतिशत डाउनपेमेन्टमै एक्सचेन्ज योजना सार्वजनिक गरेको छ।
नेपालको आधिकारिक बिक्रेता सीजी मोटर्सले गिली अटो ग्रुपसँगको सहकार्यमा ‘इभोल्भ टु रिड्डारा एक्सचेन्ज’ योजना सञ्चालन गरिरहेको हो।
वैशाख २९ बाट सुरु भएको एक्सचेन्ज योजनामा ग्राहकले जुनसुकै पुरानो सवारीसाधन साटेर विद्युतीय पिकअप रिडारा खरिद गर्दा ८० प्रतिशत ऋण लिन पाउने भएका छन्।
राष्ट्र बैंकले ४० प्रतिशत डाउनपेमेन्ट अनिवार्य गरे पनि केही समयका लागि सीजी मोटर्सले २० प्रतिशतसम्म दिनेछ।
४२४ किलोमिटरको रेन्ज र ७३ किलो आवरको ब्याट्री क्षमता रहेको यो पिकअप आफ्नो सेग्मेन्टमा अब्बल स्थानमा छ। यो पिकअप २२५ एमएम ग्राउन्ड क्लियरेन्स, २ ह्विल र फोरह्विल ड्राइभमा उपलब्ध छ।
एक्सचेन्ज योजनालाई अझ आकर्षक बनाउन, कम्पनीले नगद छुट, अतिरिक्त एक्सचेन्ज बोनस, निःशुल्क एसेसोरी, एक वर्षको बीमा, निःशुल्क ७ किलोवाट चार्जर, र एक वर्षको सडक कर निःशुल्क उपलब्ध गराउने व्यवस्था गरेको छ।
५४० डिग्री सराउण्ड भ्यु क्यामेराले सुरक्षालाई अझ बलियो बनाउनेछ। रिडराले चीनमा सबैभन्दा बढी चर्चित ईभी पिकअपको मान्यता प्राप्त गरिसकेको छ।
प्रतिक्रिया