युनिकोड
चालू आर्थिक वर्षको फागुन मसान्तसम्ममा रेमिट्यान्स (विप्रेषण आप्रवाह) ८ दशमलव ६ प्रतिशतले वृद्धि भएको छ।
चालू आर्थिक वर्षको फागुनसम्ममा ६ खर्ब ४२ अर्ब १४ करोड रेमिट्यान्स भित्रिएको हो।
नेपाल राष्ट्र बैंकका अनुसार अघिल्लो वर्षको सोही अवधिमा विप्रेषण आप्रवाह १ दशमलव ५ प्रतिशतले बढेको थियो।
त्यस्तै, अमेरिकी डलरमा विप्रेषण आप्रवाह ५ प्रतिशतले वृद्धि भई ५ अर्ब ४५ करोड पुगेको छ। अघिल्लो वर्ष यस्तो आप्रवाह १ दशमलव ५ प्रतिशतले बढेको थियो ।
फागुन मसान्तसम्मको अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ र वैधानिकीकरण) लिने नेपालीको संख्या ७४ दशमलव ८ प्रतिशतले घटेको छ।
अघिल्लो वर्षको सोही अवधिमा यस्तो संख्या २४ दशमलव २ प्रतिशतले बढेको थियो।
वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा अवधिमा ६५ दशमलव २ प्रतिशतले घटेको छ।
अघिल्लो वर्षको सोही अवधिमा यस्तो संख्या २ दशमलव ७ प्रतिशतले घटेको थियो।
प्रतिक्रिया