युनिकोड
चालू आर्थिक वर्षको ६ महिना अवधिमा नेपालले झण्डै पौने २ खर्बको वैदेशिक सहायता भित्र्याएको छ।
अर्थ मन्त्रालयले आज सार्वजनिक गरेको तथ्याङ्कअनुसार गत ६ महिनामा १ खर्ब ८७ अर्ब रुपैयाँ वैदेशिक सहायता प्रतिबद्धता पाइसकेको देखिएको छ।
चालू आर्थिक वर्षमा सरकारले ३ खर्ब ६० अर्ब रुपैयाँ वैदेशिक सहायता लिने लक्ष्य राखेको छ।
मन्त्रालयको तथ्याङ्कअनुसार कात्तिक, मंसिर र पुस महिना अर्थात् तीन महिनामा मात्रै अनुदान सहायता १० अर्ब ४४ करोड ६३ लाख ४० हजार र ऋण सहायता ९१ अर्ब ५९ करोड ५० लाख १९ हजार गरी जम्मा १ खर्ब २ अर्ब ४ करोड १३ लाख ६० हजारको अन्तर्राष्ट्रिय सहायता प्रतिबद्धता प्राप्त भएको हो।
आज २०७७÷०७८ को पुस महिनासम्म अनुदान सहायता १८ अर्ब १२ करोड ५२ लाख ५० हजार र ऋण सहायता १ खर्ब ६९ अर्व ३१ करोड १० लाख २० हजार गरी जम्मा १ खर्ब ८७ अर्ब ४३ करोड ६२ लाख ७० हजारको अन्तर्राष्ट्रिय सहायता प्रतिबद्धता प्राप्त भएको छ।
२ खर्ब २५ अर्र्ब आन्तरिक ऋण उठाउने लक्ष्य रहेकोमा पहिलो चौमासिक अवधिमा ५७ अर्ब उठाइएको र दोस्रो चौमासिक अवधिमा ५६ अर्ब आन्तरिक ऋण उठाउने गरी निष्काशन तालिका स्वीकृत गरिएको मन्त्रालयले जनाएको छ।
प्रतिक्रिया