युनिकोड
साताको दोस्रो कारोबार दिन सेयर बजारमा पहिरो गएको छ। नेप्से परिसूचक कारोबारको पहिलो घण्टा चलिरहँदा ५८.०३ अंकले अर्थात् ३ प्रतिशतले घटेको हो।
क वर्गका कम्पनीको कारोबार मापक सेन्सिटिभ सूचक पनि २.९३ प्रतिशत अर्थात् १०.८४ अंकले ओरालो लागेको छ। ११ः३४ बजेसम्म १ सय ५८ कम्पनीको १५ लाख २९ हजार कित्ता सेयर किनबेच भएो छ। अहिलेसम्म ९ हजार ४ सय ९७ पटक खरिदबिक्री भएको छ भने १ अर्ब ७ करोडको सेयर किनबेच भएको छ।
अहिलेसम्म नेपाल लाइफ इन्स्योरेन्स कम्पनीको २० करोडको र पुनर्बीमा कम्पनीको १३ करोडको कारोबार भएको छ।
आइतबार प्रतिनिधिसभा विघटन भएसँगै राजनीतिक असर सेयरबजारमा देखिएको हो। यसअघि उछाल आइरहेको सेयरबजार हिजो पनि उच्च अंकले गिरावट आएको थियो।
प्रतिक्रिया