युनिकोड
एभरेष्ट बैंक लिमिटेड र नुवाकोटकाे दुप्चेश्वर ग्रामीण नगरपालिकाबीच सम्झौता भएको छ।
सम्झौतापत्रमा एभरेष्ट बैंक लिमिटेडका महाप्रबन्धक डा. सन्धीर कुमार र ग्रामीण नगरपालिकाका अध्यक्ष योबेन्द्र सिंह तामाङले हस्ताक्षर गरेका छन् । कार्यक्रममा नुवाकोट चेम्बर अफ कमर्स एन्ड इन्डस्ट्रीका अध्यक्ष तारा बहादुर कार्की लगायत अन्य प्रतिष्ठित व्यक्तिहरूको उपस्थिति रहेको थियो।
सम्झौतामा बैंकले कृषि कर्जा, सौलियत कर्जाका साथै दुप्चेश्वर ग्रामीण नगरपालिकाका किसानहरुलाई आन्तरिक तथा नेपाल राष्ट्र बैंकको दिशानिर्देशको प्रावधान सुनिश्चित गरिने पनि उल्लेखित गरिएको छ।
एभरेष्ट बैंकले हालै आफ्नो ग्राहक संख्या ११ लाखभन्दा अधिक वृद्धि गरेको छ भने बैंकले व्यवसायिक रुपमा सजिलो बैंकिङ सेवा बिस्तार गरेको छ। बैंकले देशभरी ९८ शाखा, ३१ राजस्व संकलन काउन्टर, १२८ एटिएम र विश्वव्यापी नेटवर्क पनि संचालन गरेको छ।
प्रतिक्रिया