युनिकोड
नेपाल उद्योग वाणिज्य महासंघको रोकिएको निर्वाचन गर्न सरकारले अनुमति प्रदान गरेको छ।
मंसिर ११ र १२ गते निर्वाचन गर्ने महासंघको निर्णय भएको भन्दै त्यसको लागि गृह मन्त्रालयसँग महासंघले अनुमति मागेको थियो।
मन्त्रालयले कोभिड १९ सँग सम्बन्धित स्वास्थ्य मापदण्ड पालना गरेर निर्वाचन गर्न अनुमति दिएको हो।
महासंघको निर्वाचन गत चैत २८ र २९ गते हुनपर्ने थियो कोरोना संक्रमण र त्यसपछि भएको लकडाउनपछि निर्वाचन सरेको थियो।
निर्वाचन कसरी गर्न सकिन्छ भन्ने विषयमा महासंघले एक अध्ययन कार्यदल नै गठन गरेको थियो। कोरोना संक्रमणको समयमा साधारणसभा भर्चुअल विधिबाट र निर्वाचन भने प्रदेश र केन्द्रमा बाँडफाँट गरेर गर्न सकिने महासंघले बताएको थियो। सोहीअनुसार सरकारसँग अनुमति माग गरिएको थियो।
गृह मन्त्रालयले २५ जनाभन्दा बढी भेला नहुने गरी निर्वाचन गर्न अनुमति दिएको छ।
प्रतिक्रिया