नौवटा आन्तरिक गन्तव्यमा नेपाल वायुसेवा निगमले थाल्यो नियमित उडान

नेपाल वायुसेवा निगमले आन्तरिक उडानमा ९ ठाउँमा आफ्नो नियमित सेवा प्रारम्भ गरेको छ।

नियमित उडानसेवा थालिएका गन्तव्यमा भोजपुर, दाङ्ग, ताप्लेजुङ्ग, खानीडाँडा, रुकुम, नेपालगंज, बाजुरा, थामखर्क र फाप्लु रहेका छन्।

त्यसमध्ये काठमाडौंबाट सोझै उडानका साथै रुकुम–नेपालगञ्ज, नेपालगंञ्ज–जुम्ला, जुम्ला–नेपालगञ्ज, नेपालगञ्ज–रुकुम, नेपालगञ्ज–बाजुरा र बाजुरा–नेपालगञ्जका लागि पनि उडान निर्धारण गरिएको छ।

यात्रुको चाप र मागलाई ध्यानमा राखी कतै हप्ताको ३ दिन, कतै हप्ताको २ दिन र कतै २ दिन उडान तालिका निर्धारण गरिएको निगमले जनाएको छ।
उडानका लागि नेपाल सरकारद्वारा निर्धारित स्वास्थ्यसम्बन्धी मापदण्डलाई आधार मानिएको छ।

नेपाल वायुसेवा निगमको आन्तरिक तर्फको उडान तालिका निम्नानुसार रहेको छ -

सेक्टर	उडान हुने दिन
काठमाडौं–रुकुम–काठमाडौं :	आइतबार, बिहीबार
रुकुम –नेपालगंज–रुकुम :	आइतबार, बिहीबार
नेपालगंज–जुम्ला–नेपालगंज :	आइतबार
काठमाडौं–भोजपुर–काठमाडौं :	सोमबार, मंगलबार, शुक्रबार
काठमाडौं –दाङ्ग–काठमाडौं :	सोमबार, बुधबार, शुक्रबार
काठमाडौं–फाप्लु–काठमाडौं :	आइतबार, मंगलबार
काठमाडौं–थामखर्क–काठमाडौं : नेपालगंज–बाजुरा–नेपालगंज : काठमाडौं–ताप्लेजुङ्ग–काठमाडौं : काठमाडौं–खानीडाँडा–काठमाडौं :	बुधबार बिहीबार बुधबार, शनिवार बुधबार, शनिवार