दोहोरो अंकले बढ्यो मौद्रिक नीतिअघिको सेयरबजार

मंगलबार नेप्से परिसूचक दोहोरो अंकले बढेको छ।

मंगलबार नै नेपाल राष्ट्र बैंकले आगामी आर्थिक वर्ष २०८३/८४ लागि मौद्रिक नीति जारी गर्दै छ। 

मौद्रिक नीति जारी हुनुअघि नेप्से बढेको हो। 

मंगलबार नेप्से परिसूचक २४.५७ अंकले बढेर २६६१.८६ विन्दुमा पुगेको छ। 

मंगलबार सेयर बजारमा ४ अर्ब ४० करोड ७ लाख ५२ हजार रुपैयाँको कारोबार भएको छ। उक्त कारोबारमा ९५ लाख १९ हजार ४५२ कित्ता सेयर कारोबार भएको छ। 

मंगलबारको कारोबारमा ५७ कम्पनीको सेयर मूल्य घटेको छ भने २१० कम्पनीको मूल्य बढेको छ।