सुनको मूल्य प्रतितोला ९० हजार नजिक

सुनको मूल्य निरन्तर बढेको छ। बिहीबार छापावाला सुनको मूल्य प्रतितोला ८९ हजार ६ सय रुपैयाँ पुगेको हो।

सुनचाँदी व्यवसायी महासंघका अनुसार बुधबार ८८ हजार ६ सय रुपैयाँमा कारोबार भएको सुन एक हजार रुपैयाँले वृद्धि हुँदै ८९ हजार ६ सय रुपैयाँ पुगेको छ।

त्यस्तै, चाँदीको मूल्य पनि बढेको छ। बुधबार प्रतितोला चाँदी ९ सय ३५ रुपैयाँ कारोबार भएकोमा बिहीबार ९ सय ५० रुपैयाँ पुगेको हो।