हिजो घटेको सुनको भाउ आज बढ्यो, चाँदी पनि महँगियो

हिजो घटेको सुनको भाउ आज बढेको छ। 

तोलामा दुई हजार रुपैयाँ बढेर सुनको भाउ आज तीन लाख एक हजार नौसय पुगेको नेपाल सुनचाँदी व्यवसायी महासंघले जनाएको छ। 

हिजो सुनको भाउ प्रतितोला २ लाख ९९ हजार ९०० रुपैयाँ थियो।

आज चाँदीको भाउ पनि बढेको छ। प्रतितोला २० रुपैयाँ बढेर चाँदीको भाउ आज ४ हजार ९२५ रुपैयाँ पुगेको छ। 

गएको माघ १५ गते पनि सुनको भाउ तोलामा २० हजार पाँचसय रुपैयाँ बढेर तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो। 

त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो।

माघ १५ गते भने चाँदीको भाउ सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै सबैभन्दा बढी हो।