युनिकोड
सरकारले आगामी वर्ष ३ सय सडक पुल निर्माण सक्ने भएको छ। आगामी आवको नीति तथा कार्यक्रम प्रस्तुत गर्दै राष्ट्रपति विद्यादेवी भण्डारीले हालसम्म ३ सय २५ पुल निर्माण भएको बताउँदै अब ३ सय पुल १ वर्षमै निर्माण सक्ने बताएकी हुन्।
उनले भनिन्, ‘देशभर ३ सय २५ पुल निमार्ण भएका छन् भने आगामी आवमा ३ सय सडक पुलको निर्माण सम्पन्न गरिनेछ।’
द्रुतमार्ग ३ वर्षभित्र सकिने
त्यस्तै, काठमाडौं तराई द्रुतमार्ग ३ वर्षभित्र सक्ने सरकारले बताएको छ। त्यसका लागि पुल तथा सुरुंग निर्माण सुरु गरिने सरकारको नीति तथा कार्यक्रममा उल्लेख छ।
३६ सय किमि सडक कालोपत्रे
ओली सरकारले कार्यभार सम्हालेपछि ३ हजार ६ सय ६३ किमि सडक कालोपत्रे भएको जनाएको छ।
सडक निर्माणलाई अझै तीव्र पार्ने भन्दै सरकारले मदन भण्डारी राजमार्गलाई ५ वर्ष सम्पन्न गर्ने कार्यक्रम सार्वजनिक गरेको छ। त्यसको लागि आगामी वर्ष १ सय ५५ किमि कालोपत्रे गर्नुका साथै झापा र धरानमा सडक निर्माण थालिनेछ।
पुल्पलाल लोकमार्गको ३ सय किमि, हुलाकी राजमार्गको २५० किमि र उत्तर दक्षिण कालिगण्डकी करिडोरको ९० किमि कालोपत्रे गरिने उल्लेख गरिएको छ। कोशी र कर्णालीको ट्रयाक खोल्ने कार्य पनि आगामी आवमै सम्पन्न हुने सरकारले जनाएको छ।
नागढुंगा सुरुङ मार्गमा १ किमि सम्पन्न गरिने, बुटवल पाल्पा खण्डको सिद्धबाबामा सुरुङ निर्माण प्रारम्भ गरिने, वेत्रावती स्याफ्रुबेसी, टोखा छहरे गुर्जे भञ्जाङ लगायतका सुरुङ निमार्ण अगाडि बढाइने नीति तथा कार्यक्रमा उल्लेख छ ।
प्रतिक्रिया