युनिकोड
१७ टन एलपी ग्यास लिएर नेपाल आइरहेको ट्यांकरबाट भारतको लखनऊ–अयोध्या राजमार्गमा अचानक ग्यास चुहावट भएपछि तनाव सिर्जना भएको छ।
दैनिक जागरणका अनुसार ट्यांकरको भल्भ निस्किएपछि यस्तो भएको बताइएको छ। पछि दमकलको सहायतामा पानी र फोम तथा भल्भलाई काठको सहयोगमा बन्द गर्न खोजे पनि असफल भएपछि बंथरा प्लान्टबाट भारत पेट्रोलियमको टोलीलाई बोलाइएको थियो।
सो राजमार्गमा अन्य सवारीसाधनलाई डाइभर्ट गर्नुपरेको दैनिक जागरणले उल्लेख गरेको छ।
यो बुधबारको घटना हो। कोतवाली नगरनजिकै ओभरब्रिजको सर्भिसलेनमा यो घटना भएको बताइएको छ। साँझ ६ बजे ग्यास चुहावट भएपछि चालकले केही पर सुरक्षित स्थानमा लगेर ट्यांकर रोकेका थिए।
अनेक प्रयासका बीच चुहावट रोक्न नसकेको बताइएको छ। राति ८ बजेसम्म ग्यास लिक भइरहेको थियो। ट्यांकरले लखनऊको बन्थरा प्लान्टबाट एलपी ग्यास लिएर नेपाल आउनलागेको थियो।
ग्यास लिक नरोकिएपछि गए रातैभर उक्त राजमार्ग बन्द भएको जनाइएको छ। उक्त ग्यास अर्को ट्यांकरमा हाल्नुपरेको समाचारमा जनाइएको छ।
रातभरि ग्यास लिए भएपछि सुरक्षालाई ध्यान दिँदै प्रशासनले हाइवे बन्द गरेको र सवारीसाधनलाई अर्को बाटोबाट डाइभर्जन गरिएको बताइएको छ। यसले राजमार्गमा व्यापक सवारी जाम भएको थियो।
यो ट्यांकरमा १७ टन एलपी ग्यास थियो।
प्रतिक्रिया