दोहा र दमाममा पनि बुधबार उडान गर्दै वायुसेवा निगम

नेपाल वायुसेवा निगमले पश्चिम एसियामा चर्किँदो द्वन्द्वका बीच यात्रुलाई सहजीकरणका लागि उडान भर्ने भएको छ। 

दुबईसहित बुधबार निगमको जहाज कतारको दोहा र साउदी अरेबियाको दमाममा पनि उडान भर्न लागेको हो। 

बुधबार दोहा र दमाम जाने जहाज बिहीबार काठमाडौं आउने तालिका रहेको निगमले जनाएको छ। 

दुबई, दोहा र दमाममा हुने आगामी उडानबारे निगमको सूचनाअनुसार वा तोकिएको नम्बरमा सम्पर्क गरेर मात्र विमानस्थल प्रस्थान गर्न यात्रुलाई अनुरोध गरिएको छ। 

थप जानकारीको लागि निगमको वेबसाइट वा अत्यावश्यक सोधपुछका लागि ८८५१२७३४५९ र ९८५१४२२१५६ मा सम्पर्क गर्न सकिने निगमले जनाएको छ।