युनिकोड
अध्यान्त फण्ड मेनेजमेन्ट कम्पनी अध्यक्ष मनोजकुमार पौडेलले इक्विटी कम्पनीमार्फत लगानी विस्तार आजको अपरिहार्य भएको बताएका छन् । उनले विश्वव्यापी रुपमा लगानी इक्विटी कम्पनीहरुमार्फत विस्तार गर्ने परिपाटीको सफल विकास भइरहँदा नेपाल पछि परेको बताएका हुन् ।
विश्वव्यापीरुपमा प्राइभेट इक्विटी विस्तार भइरहेको छ । नेपालमा पनि इक्विटी कम्पनीमार्फत लगानीको कार्य शुरु भएपनि हामी धेरै पछाडि नै छौँ’ उनले भने ।
सरकारले आइटी क्षेत्रमा विशेष प्राथामिकता दिएर लगानी बढाउने नीति लिएको छ। यसमा इक्विटी कम्पनी बेष्ड लगानीको वातावरण र्सिजना गर्नुपर्नेछ ।
सरकारी नीतिगत सहजता गरिसकेको भन्दै उनले बैदेशिक लगानी ल्याउने कार्य शुरु भएपनि यो ढिलो भइसकेको बताए । उनले भेन्चर क्यापिटलमार्फत लगानी विस्तारमा जोड दिनुपर्ने बताए ।
‘जबसम्म भेन्चर क्यापिटलका सर्पोटिभ इन्भारोमेन्ट बनाउन सकिदैन तबसम्म यो रिस्कि एसेट वा रिस्क कम्पनीमा लगानी कसरी गर्ने ? यदि १० वटा कम्पनीमा लगानी गर्दा ९ वटा लगानी डुबे पनि एउटाले १० वटामा गरेको भन्दा बढी प्रतिफल दिन सकिन्छ भन्ने मोडल भएकाले पनि यो महत्वपूर्ण छ।’ उनले भने ।
उनले सरकारले टेक कम्पनीमार्फत अगाडि बढाउन खोज्दैगर्दा सँगै वित्तीय साधानको उपलब्धता पनि बढाउन जरुरी रहेको बताए ।
प्रतिक्रिया