प्रभु महालक्ष्मी लाइफ इन्स्योरेन्सको सेयर बेचेर बाहिरिँदै घिमिरे

प्रभु महालक्ष्मी लाइफ इन्स्योरेन्सबाट आफ्नो स्वामित्वमा रहेको सेयर झिकेर सेयर लगानीकर्ता डा. आत्मराम घिमिरे बाहिरिने भएका छन्। 

इन्स्योरेन्सले डा.घिमिरेसहित ३ जनाको स्वामित्वमा रहेको संस्थापक सेयर लिलामीमा राखेको हो। जसमा डा.घिमिेरको स्वामित्वमा रहेका १ लाख २९ हजार ६ सय कित्ता, लजना श्रेष्ठको नाममा रहेको १ हजार र हरि बहादुर कँडेलको नाममा रहेको १८ हजार कित्ता संस्थापक सेयर बिक्रीमा राखिएको हो। 

कम्पनीले ३५ दिनभित्र इच्छुक सेयरधनीहरुबाट आवेदन माग गरेको छ। इच्छुकले इन्स्योरेन्सको केन्द्रीय कार्यालय कमलादीमा आवेदन दिनुपर्नेछ।