युनिकोड
वस्तु निर्यातले पुनः लय समाएको छ। चालु आर्थिक वर्षको ६ महिनामा ३१.७८ प्रतिशतले बढेको हो।
भन्सार विभागको तथ्यांक अनुसार चालु आर्थिक वर्षको ६ महिनामा ९८ अर्ब ७८ करोड रुपैयाँ निर्यात भएको छ। आर्थिक वर्ष २०८०/०८१ मा ७४ अर्ब ९६ करोड निर्यात भएको थियो।
चालु आर्थिक वर्षमा यसै हिसाबले निर्यात बढे २ खर्ब बढीको निर्यात हुनेछ। यसअघि आर्थिक वर्ष २०७८/०७९ मा ४१ प्रतिशतले बढेर २ खर्बको निर्यात पुगेको थियो।
त्यसपछि घटेर आर्थिक वर्ष २०७९/०८० मा कुल निर्यात १ खर्ब ५७ अर्ब रुपैयाँमा सिमित रहयो।
२ खर्ब निर्यात हुनुअघि आर्थिक वर्ष २०७६/०७७ मा १ खर्ब ९ अर्ब, आर्थिक वर्ष २०७७/०७८ मा १ खर्ब ४१ अर्ब रुपैयाँको निर्यात भएको थियो।
चालु आर्थिक वर्ष निर्यात बढ्नुमा सोयाविनको तेल प्रमुख कारण छ। चिया, कफि, अलैची, धागो तथा तयारी पोशाकको समेत निर्यात बढेको छ। पुससम्म ८ अर्ब २४ करोडको कफि, चिया लगायतका वस्तु निर्यात छ। अलैचीमात्रै ४ अर्ब ५६ करोडको निर्यात भएको छ।
भेजिटेवल आयलको निर्यात बढेर २५ अर्ब १३ करोड रुपैयाँ पुगेको छ। सोयाविन आयत मात्रै १८ अर्ब ९१ करोडको निर्यात भएको छ। सन फलावरको ४ अर्ब ९८ करोडको वस्तु बाहिर पठाएको छ। तरकारी तथा फलफुलजन्य वस्तुको ३ अर्ब ७४ करोडको निर्यात भएको छ।
काठ, फर्निचर ४ अर्ब ८० करोडको निर्यात भएको छ। कपडा र धागो २८ अर्ब ६१ करोडको निर्यात भएको छ।
आइरन स्टिल ६ अर्ब १८ करोडको निर्यात भएको छ। सिमेन्ट तथा क्लिङकरको निर्यात १ अर्ब ३७ करोड छ। हरेक वर्ष बढिरहेकोमा भारतले सिमेन्ट निर्यातमा नेपाली कम्पनीको गुणस्तर प्रमाणपत्र नविकरणमा ढिलाई गर्दा नकरात्मक प्रभाव परेको छ।
प्रतिक्रिया