युनिकोड
नेपाल वायुसेवा निगमका कार्यकारी अध्यक्ष युवराज अधिकारीले खरिद विनियमावली एयरलाइन्समैत्री नहुँदा जहाज मर्मतमा ढिलाइ भएको बताएका छन्।
मंगलबार प्रतिनिधि सभा अन्तर्गतको अन्तर्राष्ट्रिय सम्बन्ध तथा पर्यटन समिति बैठकमा बोल्दै कार्यकारी अध्यक्ष अधिकारीले यस्तो बताएका हुन्। उनले जहाज मर्मतको काम खरिद नियमावलीकै कारण ढिला हुने गरेको जिकिर गरे। उनले जहाज बिग्रेपछि बनाउने कुरा खरिद विनियमावलीसँग सम्बन्धित रहेको बताए।
कार्यकारी अध्यक्षले धेरै पुरानो खरिद विनियमावली भएकाले एयरलाइन्समैत्री नभएको बताए।
खरिद विनियमावली एयरलान्समैत्री बनाउन २०७६ सालदेखि निगमले भनिरहेको भएपनि अहिलेसम्म सुधार नभएको अधिकारीको भनाई थियो।
उनले पटक–पटक मन्त्रालयलाई भने पनि यसमा सुधार हुन सकेको जानकारी दिए।
उनले नेपाली सेनाको लागि मात्रै जहाजका स्पेयर पार्ट्सहरूको लागि खरिद विनियमावली सुधार गरेको भन्दै त्यत्ति नै नेपाल एयरलाईन्सलाई गरेको खण्डमा काम गर्न सहज हुने दाबी गरे। ।
उनले भने,‘खरिद विनियमावली एयरलान्समैत्री हुनुपर्छ भनेर २०७६ साल देखि भनिरहेका छौं। पटक–पटक मन्त्रालयमा पनि भनेका छौं। यसमा सुधार हुन सकेको छैन। नेपाली सेनाको लागि मात्रै जहाजका स्पेयर पार्ट्सहरुको लागि खरिद विनियमावली सुधार गरिएको छ। त्यति मात्रै नेपाल एयरलाइन्सलाई पनि गरिदियो भने काम गर्न सहज हुने थियो।’
जहाजको एउटा स्पेयर पार्ट्स बिग्रियो भने ४५ दिनको टेण्डर आह्वान रहेको बताए। वर्तमान समयमा ४५ दिनको टेण्डर हवाई क्षेत्रमा उपयुक्त नभएको उनको धारणा छ।
अधिकारीले अन्य देशमा सरकारी वायुसेवा निगम र अन्यका लागि खरिद विनियमावली फरक रहेको बताए
अधिकारीले इन्जिनियरहरूलाई दिनुपर्ने सेवा सुविधाहरू दिन नसक्दा जहाज मर्मत हुन ढिला भएको बताए।
उनले स्थायी कर्मचारीहरूको सेवा सुविधा बढाउन धेरै अफ्ठ्यारो प्रक्रिया रहेको गुनासो गरे।
दक्ष जनशक्तिहरू निरन्तर रुपमा विदेश पलायन भइरेको दाबी पनि गरे।
प्रतिक्रिया