युनिकोड
समयमा नवीकरण नगरेका कारण सेवा रेमिटको इजाजतपत्र खारेज भएको छ।
नेपाल राष्ट्र बैंकले शुक्रबार उक्त कम्पनीको इजाजतपत्र खारेज गरेको जनाएको हो।
राष्ट्र बैंकले सेवा रेमिट प्रालिलाई नेपाल राष्ट्र बैंक, विप्रेषण विनियमावली,२०७९ (प्रथम संशोधनसहित) को विनियम १३ को उप विनियम (१०) खण्ड (ङ) बमोजिम खारेज गरेको हो।
खण्ड (ङ) मा इजाजतपत्रको म्याद गुज्रिएको मितिले १८० दिनभित्र नवीकरणका लागि निवेदन पेस नगर्ने विप्रेषण कम्पनीहरूको इजाजतपत्र स्वतः खारेज हुने व्यवस्था छ।
सोही व्यवस्थाअनुसार सेवा रेमिटको इजाजपत्र खारेज भएको हो। सो कम्पनीले उक्त विनियमविपरीत नवीकरणका लागि कुनै पनि निवेदन पेस नगरेपछि इजाजतपत्र स्वत: खारेज भएको राष्ट्र बैंकले जनाएको छ।
राष्ट्र बैंकले सो रेमिटबाट कुनै पनि कारोबार नगर्न निर्देशन दिएको छ।
प्रतिक्रिया