सिटिजन बैंक इन्टरनेसनलका डेपुटी सीईओ (नायब प्रमुख कार्यकारी अधिकृत) पारसकुमार काफ्लेको हृदयाघातका कारण निधन भएको छ।
अफिसियल कामको सिलसिलामा श्रीलङ्कामा रहेको बेला यही जेठ २० गते काफ्नेको निधन भएको सिटिजन बैंकले जनाएको छ। उनी ५० वर्षका थिए।
बैंकिङ फाइनान्स एन्ड इन्स्योरेन्स अफ नेपाल (बिफिन) को कार्यक्रममा सहभागी हुन बैंकका प्रमुख कार्यकारी अधिकृत (सीईओ)सहित बैंकबाट पाँचजनाको टिम गत आइतबार श्रीलङ्का गएको थियो।
कार्यक्रमकै दौरानमा काफ्लेलाई हृदयघात भएपछि त्यहाँको नावालोका हस्पिटल भर्ना गरिएको थियो। काफ्लेको उपचारकै क्रममा आइतबार अपरान्न ४ बजे मृत्यु भएको बैंक स्रोतले जानकारी दिएको छ।
काफ्ले लामो समयदेखि सिटिजन बैंकमा कार्यरत थिए। उनको पार्थिक शरीर श्रीलंकाबाट नेपाल ल्याउने प्रक्रिया शुरु गरिएको पारिवारिक स्रोतले जनाएको छ। काठमाडौँ रातोपुल निवासी काफ्लेका श्रीमती र दुई छोरा छन्।
Shares
प्रतिक्रिया