युनिकोड
कमर्सियल भ्यान केवाइसीका कम्पनी प्रतिनिधिहरू नेपालमा केवाईसीको बजार, सोरुम साथै चर्जिङ स्टेसन अवलोकन गर्दै चितवन पुगेका छन्।
लाइट कमर्सियल सेग्मेन्टमा निकै चर्चित केवाइसी भ्यानको समग्र नेपालको बजार, भ्यान चल्ने रुट, चार्जिङ स्टेसनको विकास साथै भर्खरै खुलेको फ्ल्याग्शिप शो रुम हेर्न चितवन पुगेका हुन्। नेपालका लागि सेल्स प्रमुख, सर्भिस साथै अन्य व्यक्तिहरूको उपस्तिथी रहेको कम्पनीले जनाएको छ।
काठमाडौं सिन्धुली, काठमाडौं चितवन, काठमाडौं हेटौंडा, हेटौंडा वीरगन्ज, चितवन वीरगन्ज, काठमाडौंदेखि लामो रुट पूर्व, साथै पश्चिम सम्म सन्चालन रहेको केवाइसी ११ सिटर भ्यानमा विश्वकै ठूलो ब्याट्री उत्पादक सीएटीएलले उत्पादन गरेको ४१.८६ किलोवाट आवरको ब्याट्रि प्रयोग भएको छ। यसमा ५० किलोवाट पिकपावर भएको मोटर छ।
कम्पनीका अनुसार गाडीले ५० किलोवाटसम्मको डिसी फास्ट चार्जर र ११ किलोवाट क्षमतासम्मको एसी (जिवीटी पोर्ट) चार्जर सपोर्ट गर्छ। चालक सहित ११ जनाले यात्रा गर्न सक्ने यो भ्यान १८० एमएमको ग्राउन्ड क्लियरेन्स भएको कारण केही खराव बाटोमा पनि उत्कृष्ट पर्फमेन्स गर्न सक्षम छ।
यसको लम्बाई ४४९५ एमएम, चौडाई १६८० एमएम र उचाई १९९० एमएम रहेको छ। यसमा २९३० एमएम लामो ह्वीलवेस रहेको छ। भ्यानमा अगाडि डिस्क र पछाडि ड्रम ब्रेक दिइएको छ। एबीएस सहितको सुरक्षा फिचर रहेको भ्यानमा रियर भ्यू क्यामेरा, टायर प्रेसर मोनिटर, रिजेनेरेटीभ ब्रेकिङ, सेन्ट्रल लक, १५ इन्चको अलोय हवील जस्ता फिचर छन्। यसको मूल्य ४५ लाख ५० हजार रुपैयाँ रहेको छ।
करीब १००० भन्दा धेरै गाडी बिक्री गरिसकेको सीजीले चार्जिङ स्टेसन पनि बिस्तारसँगै ईलाम, हिले गाईघाट, वीरगंज, परवानीपुर, लाहान, काठमाडौं, गोङगबु, भक्तपुर, सिन्धुली, सुकुटे, चरिकोट, चौतारा, मन्थली, त्रिशुली, चितवन, हेटौंडा, बुटवल, सुर्खेत, दाङ, कोहलपुर, चिसापानी कर्णाली, महेन्द्रनगरबाट चार्जिङ सेवा लिन सकिने छ। 
प्रतिक्रिया