युनिकोड
नेपालबाट मुलुकबाहिर हुने कारोबारभन्दा विदेशबाट नेपालभित्र बढी रकमको कारोबार हुँदा शोधनान्तर स्थितिमा उल्लेख्य सुधार भएको छ।
नेपाल राष्ट्र बैंकले सार्वजनिक गरेको तथ्यांकअनुसार चालू आर्थिक वर्ष २०८०/०८१ को ४ महिना (कात्तिक)सम्म शोधनान्तर स्थिति १४७ अर्ब ११ करोडले बचतमा रहेको छ ।
अघिल्लो वर्षको यसै अवधिमा शोधनान्तर स्थिति २० अर्ब ३ करोड रुपैयाँले बचतमा थियो ।
यस वर्ष वस्तु आयातमा उल्लेख कमी आएको छ । रेमिट्यान्स र पर्यटन आय सुधार भएको छ ।
अमेरिकी डलरमा अघिल्लो वर्षको सोही अवधिमा १४ करोड ९६ लाख बचत रहेको शोधनान्तर स्थिति समीक्षा अवधिमा १ अर्ब ११ करोडले बचतमा रहेको राष्ट्र बैंकले जनाएको छ ।
नेपाल राष्ट्र बैंकका अनुसार ४ महिनामा चालू खाता ९६ अर्ब ३६ करोड बचतमा छ । अघिल्लो वर्षको सोही अवधिमा चालू खाता ३७ अर्ब ६९ करोडले घाटामा रहेको थियो ।
प्रतिक्रिया