युनिकोड
दूरसञ्चार कम्पनी एनसेलको सेयर खरिदबिक्रीबारे संसदीय समितिहरुमा छलफल भइरहेको छ। ८० प्रतिशत सेयर किनबेच विवादित बनेपछि समितिहरुमा सांसदहरुले गहन चासो देखाएका हुन्।
बुधबार लेखा समितिमा पूर्वसञ्चारमन्त्री गाेकुल बास्काेटाले एनसेल सेयर खरिद बिक्री राेक्नुपर्ने बताए। बास्काेटाले लेखा समितिकाे बैठकमा अहिले काराेबार राेक्का गरी छानबिन गर्नुपर्ने बताए।
उनले एनसेलकाे डीडीए गरेर बाेलकबाेलबाट नेपाली वा विदेशी कम्पनीलाई बेच्न सकिने बताए। नियमावली लागू गर्न सक्षम छ कि छैन भन्ने प्रश्न रहेकाे उनले बताएका छन्।
उनले नेपालमा लगानी गरेर नाफा कमाएकै कम्पनीले पुँजीगत लाभकर तिर्नुपर्ने व्यवस्था छल्न खाेजेकाे बताए।
त्यस्तै संसद प्रदीप यादवले २०१६ मा नाफा कमाउने उद्देश्यले भित्रिएकाे कम्पनी लगानीकाे वातावरण नभएकाे भनी आराेप लगाउनुलाई गम्भीरता लिनुपर्ने बताए।
एनसेलकाे सेयर काराेबार छलछाम र जालसाजीपूर्ण भएकाे उनको भनाइ छ।
प्रतिक्रिया